FACT CHECK திராவிடர் கழகம் சார்பில் நடத்தப்பட்ட கிரகணம் அன்று சாப்பிட்ட கர்பிணி பெண் உயிரிழப்பு என பரவும் பொய்யான செய்தி solar eclipse fake news

Oct 27, 2022 அட்மின் மீடியா

கடந்த சில நாட்களாக சமூக வலைதளங்களில் பலரும் திராவிடர் கழகத்தின் கிரகண மூடநம்பிக்கை ஒழிப்பு நிகழ்வில் கர்ப்பிணி பெண்கள் பங்கேற்றார்கள் ஆனால் அந்த நிகழவில் ஒரு கர்ப்பிணி பெண் மயங்கியதால் மருத்துவமனைக்கு செல்லும் வழியில் மரணம் பாதி நிகழ்வோடு நிகழ்ச்சி ரத்து செய்யப்பட்டது என்று ஒரு புகைப்படத்தை பலரும் ஷேர் செய்து வருகின்றார்கள்.

அந்த செய்தி உண்மையா என அட்மின் மீடியாவிடம் பலரும் கேட்க அந்த செய்தியின் உண்மையை தேடி அட்மின் மீடியா களம் கண்டது

அந்த செய்தி பொய்யானது

யாரும் நம்பவேண்டாம்

அப்படியானால் உண்மை என்ன?

சமூக வலைதளங்களில் பரவிவரும் செய்தி:-

உண்மை என்ன?

பலரும் ஷேர் செய்யும் அந்த புகைப்படம் குறித்து நமது அட்மின் மீடியா உண்மை தன்மை கண்டறியும் குழு அந்த புகைப்படத்தை ஆராய்ந்தது, மேலும் அந்த புகைப்படம் எடிட் செய்யப்பட்டது என அட்மின் மீடியா உண்மை தன்மை கண்டறியும் குழு கண்டறிந்தது

முழு விவரம்:-

சூரியன், நிலவு, பூமி ஆகிய 3-ம் ஒரே நேர்கோட்டில் வரும் போது கிரகணங்கள் ஏற்படுகிறது. அப்போது நிலவின் நிழல் சூரியனை மறைத்தால் அது சூரிய கிரகணம் எனவும்,

பூமியின் நிழல் சந்திரனை மறைத்தால் அது சந்திர கிரகணம் என்வும் அழைக்கப்படுகிறது.ஆண்டு தோறும் சராசரியாக 4 கிரகணங்கள் வரை நிகழ்கிறது. அதன்படி சூரியனை முழுமையாக நிலவு மறைத்தால் அது முழு சூரிய கிரகணம் என கூறப்படுகின்றது

சூரிய கிரகணத்தின்போது கர்ப்பிணி பெண்கள் வெளியில் வரக்கூடாது என்றும், இந்த நேரத்தில் சாப்பிடுவது கூடாது என்றும் பல ஆண்டுகளாக நம்பப்பட்டு வருகிறது. ஆனால், இதனால் உடலுக்கு தீங்கு என்று அறிவியல்பூர்வ சான்றுகள் இல்லை எனவும், இது மூடநம்பிக்கை என்று திராவிட இயக்கங்கள் தெரிவித்து வருகின்றனர்.

மேலும் கடந்த 25.10.2022 அன்று சூரியகிரகணம் நிகழந்தது அன்றைய தினம் திராவிடர் கழகம் சார்பில் சென்னை பெரியார் திடலில் கிரகண மூட நம்பிக்கை ஒழிப்பு என்ற நிகழ்ச்சி நடந்தது.

இந்தியாவில் சூரிய கிரகணம் 25ம் தேதி மாலை 4:29 மணிக்கு தென்படத் தொடங்கிய இந்த சூரிய கிரகணம், சூரிய அஸ்தமன நேரமான 5:42 மணியளவில் இந்த கிரகணம் மறைந்தது. மாலை 5:30 மணியளவில் முழு சூரிய கிரகணத்தையும் மக்கள் பார்த்தனர். மொத்தமாக இந்தியாவில் 1 மணி நேரம் 45 நிமிடங்கள் இந்த கிரகணம் தென்பட்டது.

அதே நேரத்தில் சென்னை பெரியார் திடலில் கிரகண மூட நம்பிக்கை ஒழிப்பு என்ற நிகழ்ச்சியில் கி. வீரமணி தலைமையிலான திராவிடர் கழகத்தினர் பங்கேற்று சூரிய கிரகண நேரத்தில் உணவு சாப்பிட்டனர். இதில் கர்ப்பிணி பெண்களும் கலந்து கொண்டனர்..

அந்த நிகழ்வுகள் யூடியூப்பில் நேரலையும் செய்யப்பட்டது. அந்த நிகழ்வுகளில் கர்பிணி பெண்களும் கலந்து கொண்டு உணவு சாப்பிட்டார்கள், அந்த நிகழ்வு பாதியில் ரத்துசெய்யப்பட்டதாக அதில் இல்லை.

மேலும் உணவு சாப்பிட்டகர்பிணி பெண் மயக்கமுற்றதாக எந்த ஒரு தகவலும் இதுவரை வெளிவரவில்லை, நம் அட்மின் மீடியா உண்மை கண்டறியும் குழு இணையத்தில் தேடியவரை அது போல் ஒரு நிகழ்வு நிகழந்தாக எந்த ஒரு செய்தியும் வரவில்லை

கூடுதல் தகவலாக பெரியார் யூடியூப் சேனலில் எங்கள் துணிச்சலை எதிர்கொள்ள முடியாமல் பொய்ச்செய்தி பரப்புகிறார்கள்! என சூரியகிரகண மூடநம்பிக்கையை முறியடித்த கர்பிணி பெண்களிடம் பேட்டி எடுத்து ஒளிபரப்பியுள்ளார்கள்

அந்த வீடியோவில் கிரகண மூட நம்பிக்கை ஒழிப்பு நிகழ்ச்சியில் கலந்து கொண்ட அந்த இரண்டு கர்ப்பிணிப் பெண்களும் பேசியுள்ளனர்.

அதில், அக்டோபர் 25ம் தேதி பெரியார் திடலில் கிரகண மூட நம்பிக்கை ஒழிப்பு நிகழ்ச்சி சிறப்பாக முடிந்தது. அதில் கலந்து கொண்டு உணவு உண்ட எங்களுக்கு எந்த வித பாதிப்பும் இல்லை, நாங்கள் ஆரோக்கியமாக உள்ளோம் எனக் கூறியுள்ளனர்.

எனவே யாரும் பொய்யான செய்தியினை ஷேர் செய்யாதீர்கள்

முடிவு:-

எனவே யாரும் பொய்யான செய்தியினை ஷேர் செய்யாதீர்கள்

அட்மின் மீடியாவின் ஆதாரம்

https://www.youtube.com/watch?v=RgQ6Yv_P_kg

https://www.youtube.com/watch?v=x5vl056Xuqo

https://www.youtube.com/watch?v=b57BlDK2jJU

https://www.youtube.com/watch?v=zD_8KDRjNS8

suriya kiraganam

சூரிய கிரகணம் 2022 எப்போது

கிரகணம் 2022 எப்போது4

surya grahan 2021 in tamil