புதுக்கோட்டையில் ஆசிரியர் முடி வெட்ட சொன்னதால் பிளஸ் 2 மாணவன் தற்கொலை நடந்தது என்ன முழு விவரம்

புதுக்கோட்டையில் ஆசிரியர் முடி வெட்ட சொன்னதால் பிளஸ் 2 மாணவன் தற்கொலை நடந்தது என்ன முழு விவரம்

புதுக்கோட்டை மாவட்டத்தில் உள்ள விஜயபுரம் பகுதியை சேர்ந்தவர் கண்ணையா இவரது மனைவி மாரிகண்ணு. இவர்களுக்கு மகரஜோதி என்ற மகளும், மணிமுத்து மற்றும் மாதேஸ்வரன் என்ற 2 மகன்களும் உள்ளனர்.

மாதேஸ்வரன் புதுக்கோட்டை, மச்சுவாடியில் உள்ள அரசு மேல்நிலைப் பள்ளியில் வேளாண்மை பிரிவில் பிளஸ் 2 படித்து வந்துள்ளார்.

இதற்கிடையே மாணவன் மாதேஸ்வரன் தலைமுடி அதிகமாக வளர்த்து, தாடி வைத்து வந்ததால் பள்ளி ஆசிரியர்கள் பள்ளிக்கு வரும் பொழுது முடியையும் தாடியையும் வெட்டி விட்டு தேர்வு எழுது என்று கூறி பள்ளியிலிருந்து திருப்பி அனுப்பியுள்ளனர்.

நீண்ட நேரமாகியும் பள்ளிக்கு சென்ற மகன் மாதேஸ்வரன்  வீடு திரும்பததால் அதிர்ச்சியடைந்த குடும்பத்தினர் பள்ளி ஆசிரியர்களை தொடர்பு கொண்டு கேட்டபோது மாணவன் முடி மற்றும் தாடியை வெட்டாமல் பள்ளிக்கு வந்ததால் காலை 11 மணிக்கு முடியையும் தாடியையும் எடுத்துவிட்டு பள்ளிக்கு வா என்று கூறி அவரை அனுப்பி விட்டதாக தொலைபேசியில் தெரிவித்துள்ளனர்.

அதிர்ச்சி அடைந்த பெற்றோர் மற்றும் உறவினர்கள் பல்வேறு இடங்களில் தேடியுள்ளனர். அப்போது படிக்கும் பள்ளிக்கு பின்புறம் உள்ள ஒரு மரத்தில் தூக்கில் தொங்கிய நிலையில் சடலமாக கிடந்ததை பார்த்து அதிர்ச்சியடைந்தார். 

இந்த சம்பவம் தொடர்பாக போலீசாருக்கு தகவல் தெரிவிக்கப்பட்டு சம்பவ இடத்திற்கு விரைந்த போலீசார் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.

மாணவனின் தற்கொலைக்கு காரணமான பள்ளியின் ஆசிரியர் மீது நடவடிக்கை எடுக்க வேண்டும் கூறி பெற்றோர் மற்றும் உறவினர்கள் சாலை மறியலில் ஈடுபட்டனர். 

பிரேத பரிசோதனை அறிக்கைக்கு பிறகு உரிய நடவடிக்கை எடுக்கப்படும் என உறுதியளித்ததை அடுத்து பெற்றோர்களும் உறவினர்களும் போராட்டத்தை கைவிட்டனர். 

இந்நிலையில் மாணவன் தற்கொலை செய்து கொண்ட சம்பவத்தில் 2 தலைமை ஆசிரியர் சிவப்பிரகாசம் மற்றும் வகுப்பு ஆசிரியர் பாரதி சஸ்பெண்ட்  செய்யப்பட்டு மாவட்ட முதன்மை கல்வி அலுவலர் உத்தரவிட்டுள்ளார்

மேலும் போலிசார் சந்தேக மரணம் என வழக்குப்பதிவு செய்து விசாரணை நடத்தி வருகின்றார்கள்