ஒரு மதத்தில் பிறந்ததற்காகவே, அதே மதத்தில் அவரை கட்டிப் போட்டு வைக்க எந்த காரணமும் இல்லை - ஒருவர் தனக்கு விருப்பமான எந்த மதத்தையும் பின்பற்றுவதற்கு அரசியல் சாசனம் அவர்களுக்கு சுதந்திரம் வழங்கியுள்ளது கேரள உயர்நீதிமன்றம் Religion Change

No Reason To Tie Down a Person to One Religion Because of His Birth : Kerala High court Permits Religion Change on School Certificates

• கிறிஸ்தவ மதத்திற்கு மாறிய சகோதரர்கள் இருவர், தங்களது கல்விச் சான்றிதழில் பெயர் மாற்றம் செய்ய அரசுக்கு உத்தரவிட்டக் கோரி வழக்கு தொடர்ந்தனர்

• ஒரு மதத்தில் பிறந்ததற்காகவே, அதே மதத்தில் அவரை கட்டிப் போட்டு வைக்க எந்த காரணமும் இல்லை. தனக்கு விருப்பமான எந்த மதத்தையும் பின்பற்றுவதற்கு அரசியல் சாசனம் சுதந்திரம் வழங்கியுள்ளது  கேரள உயர்நீதிமன்றம் தீர்ப்பு
  

கேரள உயர்நீதிமன்றத்தில் தாக்கல் செய்யப்பட்ட மனுவில் மனுதாரர்கள் இந்து பெற்றோருக்கு பிறந்தவர்கள், ஆனால் மே 2017 இல் கிறிஸ்தவ மதத்திற்கு மாறினார்கள்.

இதனால் தங்களது பள்ளிச் சான்றிதழில் மதம் மற்றும் பெயரை மாற்றக் கோரி தேர்வுக் கட்டுப்பாட்டாளரை அவர்கள் அணுகினர், ஆனால் சான்றிதழில் மதம் மாறுவதற்கு எந்த விதியும் இல்லை என்று கூறி அனுமதி மறுக்கப்பட்டது. இதையடுத்து அவர்கள் உயர் நீதிமன்றத்தில் வழக்கு தாக்கல் செய்தனர் 

இந்த வழக்கை விசாரனை செய்த நீதிமன்றம் அளித்த தீர்ப்பில்:-

​​அரசியலமைப்பின் 25(1) வது பிரிவின்படி, தனிநபர்கள் தங்களுக்கு விருப்பமான எந்த மதத்தையும் பின்பற்ற சுதந்திரம் உள்ளது என்று உயர்நீதிமன்றம் கூறியது.

பள்ளிச் சான்றிதழில் மதம் மாறுவதற்கு எந்த விதியும் இல்லை என்பதை ஏற்றுக்கொண்டாலும், ஒரு நபரை அவர் பிறந்த காரணத்திற்காக ஒரு மதத்தில் பிணைக்க இது எந்த காரணமும் இல்லை. எந்த மதத்தையும் பின்பற்றுவதற்கும் பின்பற்றுவதற்கும் அவருக்கு முழு சுதந்திரம் உள்ளது அது அவரட்து தனிபட்ட விருப்பம்  இதனை இந்திய அரசியலமைப்பின் 25(1) வது பிரிவு உத்தரவாதம் அளிக்கிறது,

அந்த சுதந்திரத்தைப் பயன்படுத்தி ஒருவர் மற்றொரு மதத்தைத் தழுவினால், அவரது பதிவுகளில் தேவையான திருத்தங்கள் செய்யப்பட வேண்டும், என்று நீதிமன்றம் கூறியது மேலும் சான்றிதழில் திருத்தம் செய்ய மறுப்பது மனுதாரர்களின் எதிர்காலத்தை மோசமாக பாதிக்கும் என்றும், இதுபோன்ற கடுமையான அணுகுமுறை அரசியல் சாசனம் உத்தரவாதம் அளித்துள்ள உரிமைகளுக்கு எதிரானது என்றும் நீதிமன்றம் தனது தீர்ப்பில் தெரிவித்துள்ளது.

மேலும் பள்ளிச் சான்றிதழ்களில் மதம் தொடர்பான பதிவை ஒரு மாதத்திற்குள் சரி செய்யுமாறு தேர்வுக் கட்டுப்பாட்டாளருக்கு உத்தரவிட்டது