அதிமுக பொதுக்குழு மற்றும் செயற்குழு கூட்டம் அடுத்த மாதம் 15ஆம் தேதி நடைபெறும் என அறிவிப்பு..!

அதிமுக பொதுக்குழு மற்றும் செயற்குழு கூட்டம் அடுத்த மாதம் 15ஆம் தேதி நடைபெறும் என அறிவிக்கப்பட்டுள்ளது

அதிமுக பொதுக்குழு மற்றும் செயற்குழு கூட்டம்டிச.15 காலை 10 மணிக்கு சென்னை வானகரம் ஸ்ரீ வாரு வெங்கடாசலபதி மண்டபத்தில் அவைத் தலைவர் தமிழ்மகன் உசேன் தலைமையில் நடைபெறும் என அறிவிக்கப்பட்டுள்ளது.

இதற்காக பொதுக்குழு மற்றும் செயற்குழு உறுப்பினர்களுக்கு தனித்தனியாக அழைப்பிதழ்கள் அனுப்பப்படும் எனவும் கூட்டத்தில் கலந்து கொள்ள வருபவர்கள் கண்டிப்பாக அழைப்பிதழ்களை கொண்டுவர வேண்டும் என்றும் அறிவுறுத்தியுள்ளார்.

அதிமுக பொதுக்குழு மற்றும் செயற்குழு கூட்டத்தில் உட்கட்சித் தேர்தல், சட்டப்பேரவைத் தேர்தல் ஆயத்தப்பணி தொடர்பாக முக்கிய முடிவுகள் எடுக்கப்பட வாய்ப்பு என தகவல்கள் வெளியாகி உள்ளது

இது குறித்து வெளியான அறிவிப்பில்:-

கழகப் பொதுச் செயலாளர், சட்டமன்ற எதிர்க்கட்சித் தலைவர் தமிழ் நாடு முன்னாள் முதலமைச்சர் 'புரட்சித் தமிழர்' திரு. எடப்பாடி K. பழனிசாமி அவர்களின் முக்கிய அறிவிப்பு 

அனைத்திந்திய அண்ணா திராவிட முன்னேற்றக் கழக செயற்குழு மற்றும் பொதுக்குழு கூட்டம் 15.12.2024- ஞாயிற்றுக் கிழமை அனைத்திந்திய அண்ணா திராவிட முன்னேற்றக் கழக செயற்குழு மற்றும் பொதுக்குழு கூட்டம், கழக சட்ட திட்ட விதிகள் 19(vii) மற்றும் 25(i)-ன்படி, வருகின்ற 15.12.2024 - ஞாயிற்றுக் கிழமை காலை 10 மணிக்கு, சென்னை, வானகரத்தில் உள்ள ஸ்ரீ வாரு வெங்கடாசலபதி பேலஸ் மண்டபத்தில், கழக அவைத் தலைவர் டாக்டர் அ.தமிழ்மகன் உசேன் அவர்கள் தலைமையில் நடைபெற உள்ளது. 

கழக செயற்குழு, பொதுக்குழு உறுப்பினர்கள் மற்றும் சிறப்பு அழைப்பாளர்கள் அனைவருக்கும் தனித் தனியே அழைப்பிதழ் அனுப்பி வைக்கப்படும். உறுப்பினர்கள் ஒவ்வொருவரும் தங்களுக்கு அனுப்பப்படும் அழைப்பிதழுடன் தவறாமல் வருகை தந்து, கழக செயற்குழு மற்றும் பொதுக்குழு கூட்டத்தில் கலந்துகொள்ளுமாறு அன்புடன் கேட்டுக்கொள்கிறேன்.