கேரளாவில் சாலையில் தூங்கிக் கொண்டிருந்தவர்கள் மீது லாரி ஏறி விபத்து 2 குழந்தைகள் உட்பட 5 தமிழர்கள் உயிரிழப்பு முழு விவரம்

கேரளாவில் சாலையில் தூங்கிக் கொண்டிருந்தவர்கள் மீது லாரி ஏறி விபத்து 2 குழந்தைகள் உட்பட 5 பேர் உயிரிழப்பு முழு விவரம்

கேரள மாநிலம் திருச்சூரில் தமிழகத்தை சேர்ந்த சிலர் வேலைக்காக சென்றிருந்த நிலையில், சிலர் சாலையோரத்தில் படுத்து தூங்கிக் கொண்டிருந்தனர். 

கேரள மாநிலம் திருச்சூரில் உள்ள நாட்டிகா என்ற பகுதியில் ஜே.கே திரையரங்கம் அருகே சாலையோரம் தூங்கி கொண்டிருந்த மக்கள் மீது அதிகாலை 4 மணியளவில்  கண்ணூரில் இருந்து கொச்சி நோக்கிச் சென்ற லாரி, சாலையோரம் தூங்கிக் கொண்டிருந்த பத்துக்கும் மேற்பட்டோர் மீது மோதியது. இதில்  2 குழந்தைகள் உட்பட 5 பேர் பரிதாபமாக உயிரிழந்தனர். மேலும் இந்த விபத்தில் 7 பேர் காயமடைந்தனர். 3 பேர் ஆபத்தான நிலையில் அரசு மருத்துவக் கல்லூரி மருத்துவமனையில் சிகிச்சை பெற்று வருகின்றனர்.

பாலக்காடு கோவிந்தபுரத்தைச் சேர்ந்த காளியப்பன் (50), நாகம்மா (39), பங்காழி (20), ஜீவன் (4), விஷ்வா (1) ஆகியோர் உயிரிழந்தனர். லாரியை ஓட்டி வந்த கண்ணூரை சேர்ந்த டிரைவர் அலெக்ஸ் (33) மற்றும் கிளீனர் ஆகியோரை போலீசார் கைது செய்தனர். 

சாலை பணி நடந்து வரும் நிலையில் பணி செய்தவர்கள் அங்கேயே பணி முடித்துவிட்டு இரவு தூங்கி கொண்டிருந்தபோது இந்த விபத்து நடந்துள்ளது

சாலை பணி காரணமாக இந்த பகுதியில் வாகனங்கள் செல்ல தடை விதிக்கப்பட்டது. வேகமாக வந்த லாரி, சாலையில் போடப்பட்டிருந்த தடுப்புகளை தகர்த்துவிட்டு சாலையில் இருந்தவர்கள் மீது மோதி விபத்துக்குள்ளாகியுள்ளது

வீடியோ பார்க்க இங்கு கிளிக் செய்யவும்:-

https://x.com/adminmedia1/status/1861257595425808636