தமிழகத்தில் தென் மாவட்டங்களுக்கு இன்று ரெட் அலெர்ட் முழு விவரம்

தமிழகத்தில் தென் மாவட்டங்களுக்கு இன்று ரெட் அலெர்ட் முழு விவரம்

தென் தமிழகத்தில் அதிகனமழை பெய்ய வாய்ப்புள்ளது என இந்திய வானிலை ஆய்வு மையம் தெரிவித்துள்ளது. வங்க கடலில் உருவாக உள்ள குறைந்த காற்றழுத்த தாழ்வு நிலை காரணமாக, தமிழகம் முழுவதும் பல்வேறு மாவட்டங்களில் மழை பொழிந்து வருகிறது.

தமிழகத்தில் வடகிழக்கு பருவமழை காரணமாக தென் மாவட்டங்கள், டெல்டா மாவட்டங்கள், கடலோர மாவட்டங்களில் மழை பெய்து வருகிறது. அந்த வகையில் தென் தமிழகத்தில் கடந்த 2 நாட்களாக மழை மிரட்டி வருகிறது. இந்நிலையில் இன்று தென் மாவட்டங்களில் அதிகனமழை பெய்ய வாய்ப்புள்ளதால் அப்பகுதிகளுக்கு இன்று ரெட் அலர்ட் எச்சரிக்கை விடுக்கப்பட்டுள்ளது.

இது குறித்து இந்திய வானிலை ஆய்வு மையம் விடுத்துள்ள செய்திக்குறிப்பில் 

ராமநாதபுரம், விருதுநகர், திருநெல்வேலி, தூத்துக்குடி, கன்னியாகுமரி மாவட்டங்களில் தொடர்ந்து மழை பெய்து வருகிறது. இதில் சில இடங்களில் கனமழை பெய்த நிலையில் பலஇடங்களில் தொடர்ந்து லேசானது முதல் மிதமானது வரை மழை என்பது பெய்து வருகிறது. 

தென் தமிழகத்திற்கு ஆரஞ்ச் அலர்ட் விடுக்கப்பட்டிருந்தது. தற்போது ரெட் அலர்ட்டாக அதை மாற்றி அறிவித்திருக்கிறது இந்திய வானிலை ஆய்வு மையம். அதன்படி திருவாரூர், நாகப்பட்டினம், திருநெல்வேலி, கன்னியாகுமரி ஆகிய 4 மாவட்டங்களுக்கு ரெட் அலர்ட் எச்சரிக்கை விடுக்கப்பட்டுள்ளது. 

இன்று ராமநாதபுரம் மாவட்டத்தில் கனமழை  பெய்து வருகிறது. பாம்பனில் 6 மணி நேரத்தில் 24 சென்டி மீட்டர் மழை பதிவானது. மேக வெடிப்பு காரணமாக இந்த மழை பொழிவு ஏற்பட்டதாக வானிலை மையம் தெரிவித்தது.