பால்கனி தோட்டத்தில் பூச்செடிகளுக்குள் கஞ்சா செடி - ரீல்ஸ் வீடியோ போட்டு போலீசில் மாட்டிகொண்ட தம்பதி கைது - முழு விவரம்

வீட்டு மாடி தோட்டத்தில் பூச்செடிகளுக்குள் கஞ்சா செடி - ரீல்ஸ் வீடியோ போட்டு போலீசில் மாட்டிகொண்ட தம்பதி கைது - முழு விவரம்

பால்கனியில் உள்ள பூச்செடிகளுக்கு இடையே கஞ்சா செடியை வளர்த்த சிக்கிமை சேர்ந்த சாகர் - ஊர்மிளா தம்பதி கைது! 

தான் வளர்த்த செடிகளின் புகைப்படத்தை ஊர்மிளா பேஸ்புக்கில் பதிவிட்ட நிலையில், அதில் கஞ்சா செடி இருப்பதை கண்டறிந்து அவரை பின் தொடர்பவர்கள் போலீசில் புகாரளித்துள்ளனர்.

கர்நாடக மாநிலம் பெங்களூர் எம். எஸ். ஆர். நகரில் உள்ள சாகர் குரு மற்றும் அவரது மனைவி ஊர்மிளா ஆகிய இருவரும் ஹோட்டல் ஒன்றை நடத்தி வருகின்றனர். இந்த நிலையில், வீட்டில் தோட்டம் அமைக்க முடிவு செய்து, அவர்கள் பல்வேறு செடிகளை வளர்த்த நிலையில் அவற்றில் கஞ்சா செடியும் வளர்த்ததாக தெரிகிறது.

சமூக வலைதளங்களில் ரீல்ஸ் வீடியோக்களை போட்டு கொண்டு இருந்தவர் தனது வீட்டில் நடக்கும் நிகழ்வுகளில் அவருக்கு பிடிப்பதையும் வீடியோ வெளியிட்டுள்ளார். 

சமீபத்தில் அவர் வீட்டு தோட்டத்தை வீடியோவாக எடுத்து சமூகவலைதளத்தில் வெளியிட்டு இருந்தார் அதில் கஞ்சா செடி இருந்ததை நெட்டிசன்கள் கண்டுபிடித்து, காவல்துறைக்கு புகார் அளித்தனர்.

காவல்துறை உடனடியாக அவர்களின் வீட்டுக்கு சென்றபோது, கஞ்சா செடிகள் அவசர அவசரமாக அகற்றப்பட்டதை கண்டுபிடித்தனர். இதன்பிறகு அவர்களை கைது செய்து விசாரணை செய்து குப்பைத் தொட்டியில் வீசப்பட்ட  கஞ்சா செடிகளை கைப்பற்றியுள்ளனர், 

அவர்கள் தங்கள் உபயோகத்திற்காக கஞ்சா செடியை வளர்த்தார்களா அல்லது விற்பனை செய்வதற்காக வளர்த்தார்களா என்பது குறித்து விசாரணை நடந்து வருவதாக தகவல்கள் வெளியாகியுள்ளன.