1 முதல் 5ஆம் வகுப்பு வரை முழு ஆண்டு தேர்வு தேதி மாற்றம் - கோடை விடுமுறை தேதியும் மாற்றம் முழு விவரம்...

1 முதல் 5ஆம் வகுப்பு வரை முழு ஆண்டு தேர்வு தேதி மாற்றம் -  கோடை விடுமுறை தேதியும் மாற்றம் முழு விவரம்... 

1 முதல் 5ஆம் வகுப்பு வரையிலான மாணவ, மாணவிகளுக்கு ஏப்ரல் 9 தொடங்கி 21 வரை முழு ஆண்டுத் தேர்வு நடைபெறவிருந்தது. 

இந்நிலையில் புதிய அறிவிப்பின்படி, ஏப்ரல் 7ஆம் தேதி தொடங்கி 17ஆம் தேதி முடிவடைகின்றன.

பல்வேறு தரப்பினரின் கோரிக்கைகள் மற்றும் பெற்றோர்களின் வேண்டுகோளை ஏற்று தமிழக முதலமைச்சர் மு.க.ஸ்டாலின் உத்தரவின் படியும், பள்ளிக் கல்வித்துறை அமைச்சர் அன்பில் மகேஷ் பொய்யாமொழி வழிகாட்டுதலின் படியும் தேர்வுகள் முன்கூட்டியே தொடங்க திட்டமிடப்பட்டுள்ளதாக அரசு தரப்பில் தெரிவிக்கப்பட்டுள்ளது. இதனுடன் திருத்தப்பட்ட தேர்வு அட்டவணையும் இணைக்கப்பட்டுள்ளது.

தொடக்கக் கல்வி இயக்கக நிர்வாகத்தின் கீழ் செயல்படும் பள்ளிகளில் ஒன்று முதல் ஐந்தாம் வகுப்பு வரை பயிலும் மாணவர்களுக்கு 09.04.2025 முதல் 21.04.2025 வரை மூன்றாம் பருவத் தேர்வு ஆண்டு இறுதி தேர்வு நடைபெறும் என அறிவிக்கப்பட்டு இருந்தது. தமிழ்நாட்டில் வெயிலின் தாக்கம் தற்போது தீவிரமாக இருப்பதால் பல்வேறு தரப்பினரின் கோரிக்கைகள் மற்றும் பெற்றோர்களின் வேண்டுகோளை ஏற்று மாண்புமிகு தமிழ்நாடு முதலமைச்சர் அவர்களின் உத்தரவின்படியும் மாண்புமிகு பள்ளிக் கல்வித் துறை அமைச்சர் அவர்களின் வழிகாட்டுதல்களின்படியும் தேர்வுகள் முன்கூட்டியே தொடங்க திட்டமிடப்பட்டு உள்ளது. வருகின்ற 07.04.2025 முதல் 17.04.2025 வரை தேர்வுகள் நடைபெறும் என தொடக்கக் கல்வி இயக்குநரகம் தெரிவித்துள்ளது.