ஜிப்லியில் போட்டோ அப்லோடு செய்யும் முன் சைபர் க்ரைம் எச்சரிக்கையை முழுசா படிங்க

சமீபத்திய நாட்களில் ஜிப்லி செயற்கை நுண்ணறிவு கலையின் பயன்பாடு பொதுமக்களினிடையே பெரும் அளவில் அதிகரித்துள்ளது. ஜிப்லி AI பயனர்கள் பதிவேற்றும் செல்ஃபிகள் அல்லது புகைப்படங்களைப் பயன்படுத்தி பயனரை மகிழ்விக்கும் வகையில் அவரது முக அம்சங்களின் அடிப்படையில் அனிம் போன்ற பதிப்புகளை உருவாக்குகிறது. இருப்பினும், கிப்லி கலையைச் சுற்றியுள்ள சாத்தியமான ஆபத்துக்களை பயணர்கள் பெரும்பாலும் குறைத்து மதிப்பிடுகிறார்கள்.

பயனர்கள் தனிப்பட்ட பயோமெட்ரிக் தரவை AI செயலிகளிடம் வழங்குகிறார்கள். இந்த செயற்கை நுண்ணறிவு முகங்கள் மற்றும் பின்னணிகளை பகுப்பாய்வு செய்து சேமித்து வைக்கிறது. இந்த பதிவேற்றங்கள் பயனரிடமிருந்து எந்த தெளிவான ஒப்புதலையும் எடுக்காமல் செயற்கை நுண்ணறிவைப் பயிற்றுவிக்கப் பயன்படுகின்றன. தொடர்ச்சியான பதிவேற்றம் செயற்கை நுண்ணறிவின் அறிவுத் தளத்தை விரிவுபடுத்தும் சமர்ப்பிக்கப்பட்ட தரவை பயனர்கள் எளிதில் நீக்க முடியாது என்பது கவலைக்குரிய முக்கியமான விஷயம் படம் பதிவேற்றப்பட்டால். நீக்குமாறு கோர எந்த உத்தரவாதமான வழியும் இல்லை.

ஜிப்லியின் கலைப்படைப்புகளை அங்கீகரிக்கப்படாத செயலிகள், குறிப்பாக அதிகாரப்பூர்வமற்ற அல்லது பாதிப்பு விளைவிக்கக்கூடிய சேனல்கள் மூலம் பெறப்படும்போது. தனிநபர்கள் மற்றும் வணிகங்கள் சைபர் குற்றங்களுக்கு ஆளாகும் அபாயத்தில் உள்ளனர்.

எந்தவொரு அங்கீகரிக்கபடாத தளத்திலும் புகைப்படங்களைப் பதிவேற்றுவதன் மூலம் தரவு கசிவுகள், அறியப்படாத விளம்பர நிறுவனங்களுக்கு தங்கள் புகைப்படங்கள் விற்கப்படுவது. தங்கள் தரவுகளை மப் பேக்குகளில் பயன்படுத்தப்படும் அபாயம் போன்ற சிக்கல்கள் நேரிட அதிக வாய்புள்ளது. இது பயனரை தனிப்பட்ட முறையில் பாதிக்கும்.

ஜிப்லி கலை அல்லது பிற ஊடகங்களின் இலவச பதிவிறக்கங்களை வழங்கும் பல வலைத்தளங்கள் பெரும்பாலும் தீங்கிழைக்கும் இணைய நடவடிக்கைகளாக உள்ளன. இந்த மூலங்களிலிருந்து ஏதேனும் ஒன்றை பதிவிறக்கம் செய்யும்பொழுது பயனர்கள் தங்களை அறியாமலேயே வைரஸ்கள், தீம்பொருள் உள்ளிட்ட நீங்கு விளைவிக்கும் மென்பொருள்களை பதிவிறக்கம் செய்ய நேரிடுகிறது. இது தரவு இழப்பு மற்றும் அடையாள திருட்டுக்கு வழிவகுக்கும்.

மோசடி செய்பவர்கள் பிரபலமான ஜிப்லி கதாபாத்திரங்களையும் கலையையும் ஃபிஷிங் மோசடிகளில் தூண்டுதலாகப் பயன்படுத்தலாம். இந்த மோசடி பிரச்சாரங்களில் பெரும்பாலும் போலி போட்டிகள். ஜிப்லி கலைக்கான இலவச பதிவிறக்க இணைப்புகள் ஆகியவை அடங்கும். இந்த இணைப்புகளைக் கிளிக் செய்வது தனிப்பட்ட தரவு நிதி தகவல் அல்லது நிதி இழப்புகளுக்கு கூட வழிவகுக்கும்.

பொதுமக்களுக்கான அறிவுரைகள்:

1 நம்பத்தகாத மூலங்களிலிருந்து வால்பேப்பர்கள் ஆர்ட் பேக்குகள் அல்லது பயன்பாடுகளைப் பதிவிறக்க வேண்டாம்.

2 கோரப்படாத மின்னஞ்சல்கள். பாப்-அப்கள் அல்லது இலவச ஜிப்லி உள்ளடக்கத்தை வழங்கும் செய்திகள் குறித்து எச்சரிக்கையாக இருங்கள். எந்தவொரு இணைப்பையும் கிளிக் செய்வதற்கு முன்பு இந்த சலுகைகளின் நம்பகத்தன்மையை எப்போதும் சரிபார்க்கவும்.

3. பரிவர்த்தனைகளில் ஈடுபடுவதற்கு அல்லது தகவல்களைப் பகிர்வதற்கு முன்பு வலைத்தளங்கள் மற்றும் சமூக ஊடக சுயவிவரங்களின் நம்பகத் தன்மையை எப்போதும் சரிபார்க்கவும்.

4.உங்கள் சாதனங்களில் புதுப்பித்த வைரஸ் தடுப்பு மற்றும் தீம்பொருள் எதிர்ப்பு மென்பொருள் உள்ளதா என்பதை உறுதிப்படுத்திக் கொள்ளுங்கள்.

5. குறிப்பாக அறிமுகமில்லாத வலைத்தளங்களைப் பார்வையிட்ட பிறகு சாத்தியமான அச்சுறுத்தல்களுக்காக உங்கள் சாதனங்களை தவறாமல் ஸ்கேன் செய்யுங்கள்.

6. பதிவிறக்கம் செய்த ஜிப்லிகருப்பொருள் வால்பேப்பர்கள், கலை பொதிகள் அல்லது உள்ளடக்கங்களில் தீம்பொருள் இருக்கலாம். முக்கியமான தரவைத் திருடலாம் அல்லது பயனர் கோப்புகளை திருடலாம்.

7. சைபர் மோசடிகள் மற்றும் அவற்றின் ஏமாற்றும் நுட்பங்கள் குறித்து தெரிந்து கொள்ளுங்கள்.

இதே போன்ற மோசடி நடவடிக்கைகளில் நீங்கள் பாதிக்கப்பட்டிருந்தால் அல்லது சந்தேகத்திற்கிடமான செயல்பாடுகளைக் கண்டால், உடனடியாக நடவடிக்கை எடுக்கவும். சைபர்கிரைம் கட்டண மில்லா உதவி எண்ணை 1930 அழைக்கவும் அல்லது wwwcybercrimegov.in இல் புகார் பதிவு செய்யவும்.